理想傾訴對象......

病咗咁耐其實都好唔開心, 好彩間中都有朋友同我傾下計先至冇咁悶......

講開傾計真係唔係個個都適合做傾訴對象! 當你遇到唔開心嘅時侯, 一定係好想有人安慰下你, 附和下你所呻嘅說話; 如果對方只係識一味喺度講埋晒佢自己d道理, 而d道理又係你已經一早知道嘅, 咁一定唔係你最唔開心那一刻想聽嘅嘢, 仲已經失晒傾訴嘅意義, 咩mood都冇晒, 當你再有唔開心都唔會想再同lee個人去傾訴~ 

我寧願聽d "係啦, 乜佢咁衰0架!" 或者 "唔好理佢啦, 我哋做d其他嘢開心番啦~" 又或者傾訴對象同你講兩句lee件事, 然之後再好巧妙咁轉個話題, 都唔希望聽道理!!! 我仲唔夠煩咩? 唔好再煩我啦! 係咪先? 

其實想做一個好嘅傾訴對象, 最緊要唔好諗住 "我係咁講嘢0架喇! 冇得變0架喎!" 或者以為自己改咗, 其實根本每次你都係講一樣嘅嘢令你嘅朋友唔開心, 如果你執著於 "我已經改變咗講嘢方式啦, 佢唔受之嘛!" lee個想法, 咁唔該當你嘅朋友有咩唔開心你都唔好理喇, 因為你只會激到對方更嬲更唔開心, 咁就無謂啦!

仲有, 千祈唔好人講你又講, 人哋話俾你知佢唔係咁嘅意思, 你咪聽下lor, 唔好咁死固執啦, 一定係你啱晒0架咩? 人講你又講, 明明係人哋搵你呻, 三句唔埋兩句變咗同你鬧交, 咁你都好失敗lor! 唔係話你唔去諗辦法去令佢開心, 對方係知你有心0架, 但係你要知道, 你所用嘅方法係錯晒lor! 改下啦, 朋友!