正確決定

最近做咗個正確決定, 就係將其中一班嘅新小朋友轉去早2班, 事源佢勁心散, 雖然話已經6歲, 但係態度仲好"BB", 搞到本小姐勁勞氣, 成日鬧佢都唔係咁好, 所以上星期心血來潮, 同佢家長傾叫佢轉班, 小朋友媽咪都好明白事理, 唔駛考慮就應承咗。

琴日小朋友第一堂番D班, 唔到十分鐘我就知我嘅決定係啱嘅! 佢竟然好轉心咁跟住其他小朋友踢腳做體能, 全堂冇俾我同其他教練鬧過半句, D動作仲做得好咗好多tim~

講真, 雖然教lee D小朋友冇錢收, 不過話晒都係自己學生, 就算入唔到港隊參加奧運都好想佢哋學到嘢, 希望佢哋都乖乖哋唔好要我咁勞氣就好喇~

開工大吉

番咗新工一個星期, 都係office工作, 所以都OK慣, 只不過教我做野的auntie同事就自己識做但係唔太識教人, 學得有D辛苦咁lor, 不過我諗我都應該handle到嘅。

星期五公司出memo話由下個月開始轉5天工作週, 勁開心! 不過同事話應該冇可能發生喺我哋公司, 要番去做野咪番lor, 自己安排之嘛, 我就冇所謂呀, 段估唔駛成個月嘅星期六都要番去OT嘅~ Just think positive!

唔駛再俾人叫生晒, 冇人再喺我後面位修甲修腳皮, 真係精神爽利晒, 就算番工頭幾日都已經要OT到9點幾, 都冇之前咁攰, 精神仲好咗好多tim~

希望未來工作可以順順利利, 開開心心咁就好喇! (最緊要當然係升層加薪啦~ )

 

 

 

 

 

I'm ready!

終於捱到聽日last day喇! 話說上個星期六去見工, 一見就請咗, 仲要係一出門口Agent就打番俾我話OK, 100000000個開心, 馬上番屋企打信星期一辭職, 補番錢一個星期走人, 我覺得用大半個月糧換來將來前途, 絕對值得wor! 直情抵tim啦~ 終於可以escape from the hell 喇, YEAH!!!

今日有同事睇唔過眼, 話我知我未走, 老板娘就已經講我壞話, 唓! 咪算講得遲lor, 我預咗一俾信佢就講0架啦~ 我都聽佢講以前d同事講得多, 仲有呀, 我個位喺正佢前面, 番工成日用個剪鉗剪指甲, 腳甲同修腳皮, 勁核突lor!!!  講俾人知都冇人信呀, 不過我真係睇佢真人show睇足大半年lor~

唔願做嘢嘅廢柴就保住晒, 肯做嘅就做死, 死心喇, 都係早走早著! 係呀, 係你走寶, 你咁管人, 根本唔配有任何負責任嘅員工幫你手, 臨走贈你一句: 聽執啦!

我去邊度做? 咪就係你好恨打得入0個間lor, 不過人哋全公司都知你做d貨唔得, 根本唔會用你d嘢lor!!!

好心涼呀~ 開心晒, 情緒平伏晒, 開開心心等星期一番新工! YEAH~