網球大賽?!

頭先外出食完飯番屋企, 一開門就有幾隻飛蟻喺個廳嘅上空盤旋, 我馬上飛身去搵網球拍(電蚊拍), 電瓜一隻又有第二隻, 我daddy同mommy不停叫"呢度又有呀", 終於十幾個回合之後, 本小姐筋疲力盡, 飛蟻群亦被我消滅, 哈! 哈! 哈!

下水禮

等咗兩年, 今日終於行咗下水禮! 但係游咗一陣就雷暴警告+黃雨要上水, 不過都玩得好開心

BUBBLE大個仔?!

兔爸LEE兩個星期成日向我投訴BUBBLE仔, 點解?? 佢話BUBBLE "UN" 佢隻手喎~

咁上星期日我終於得閒去睇佢玩"案件重演"--佢好似上次咁餵BUBBLE仔食零食, BUBBLE仔就係咁聞佢隻手, 由手掌聞到上手臂, 之後仲捉住佢隻手臂係咁"UN", 笑到我收唔到聲!

之後我又試下放隻手入籠, 但係BUBBLE仔只係聞, 冇"UN"喎~ 兔爸問我點算, 我只好話"冇辦法"~

小琪番嚟喇~

小琪番嚟喇~ 大家係咪好掛住我呢?

成個4月都因為要做展覽D嘢而勁OT, 日日冇10點都收唔到工, 做到死吓死吓, 人手就得我一個, 但人工就唔見高喎, 5位數字仲爭一大截, 所以諗咗好耐終於辭咗職!!! 

雖然係咁, 但係都仲有好多手尾要執: 追Payment, 送番D貨俾Clients, 收投訴&讚賞(搞笑在D Client全部都係勁讚我, 勁投訴我阿頭冇禮貌), 好多好多濕醉嘢, 我諗都夠我玩都廿幾號LAST DAY囉......

一直以來都好想搵份Assistant Merchandiser做, 做Stationery或Sundry都好, 唔知易唔易搵呢? 之前做咗6-7年唔同型式嘅Customer Service, 唔知轉Assistant Merchandiser可以攞到咩人工呢?

大家有冇經驗呢? 可以俾d意見我嗎?