新發現~

Daddy知我鐘意食番茄仔, 琴日特登買咗磅百合茄俾我食, 係一d唔太紅, 但係圓圓的好cute又清甜的車厘茄, 但因為太飽冇食到, 留番今晚先食

同平日一樣, 食飽飯抖一陣就飲中藥, 藥一次比一次苦, 每次我都攞住粒果汁糖, 一飲完碗藥就食糖, 等粒糖中和番d苦味, 咁先唔會嘔~  今日玩玩新意思, 飲完藥食咗3粒百合茄, 嘩! 仲好味過果汁糖呀~ 食食下就食咗10幾粒, 原本今日發燒冇咩胃口, 但係食lee d番茄仔又好開胃喎, 又有益, 真好!

 

回想@黃金海岸 -- Part I

            

Lee張係6年前我喺黃金海岸酒店做工作時某一個夜晚影嘅相, 係保麗萊scan入電腦, 所以效果唔係咁好, 相中嘅我20歲都冇...

我旁訪那隻鸚鵡叫"Toby", 係Health & Beauty Spa嘅PR, 識得講"早晨", "Good Morning", "你好", "多謝"...等等...  可惜Toby喺影lee幅相嘅3年後老死, 大家都好唔開心, 因為都已經當咗佢係同事一樣

諗番起喺黃金嘅日子, 真係千奇百怪, 有好多開心, 亦有好多唔開心, 係我活到lee一刻, 最多姿多彩嘅一段時間......

Back from 兔協

0岩0岩由兔協番到屋企, 急不及待要同大家分享今日嘅感受喇~

今日第一次去兔協做義工, 第一次俾咁多兔兔包圍住, 好開心呀~

今日1點半同Grey少&細佬一齊上到兔協, 我今日負責清寄養房嘅兔籠, 幫佢哋清籠, 重新放入乾淨木糠同木粒, 再放新草同加水, 到咗4點幾, 派埋茶點--油墨菜俾兔兔們食, 先至依依不捨離開......

因為d兔兔太可愛, 令到我唔係好捨得走, 而Grey少同細佬就等足我幾個鐘, 最後都落咗街行一陣~  而我個寶貝女Bubble豬就繼續同佢好朋友--貓貓 玩捉依因, 仲霸埋貓貓張床(放在sofa那個布屋仔)嚟訓tim呀~ 哈哈哈~

去兔協做義工真係好開心呀, 我已經約咗2月25號同3月25號再上去幫手喇~

馬騮仔

今日出發去兔協前, 先搭車去隔離邨兔爸屋企接埋兔爸同Bubble, 行去搭小巴途中, 突然見到有兩個黑影閃過, 睇清楚原來係近期好出名嘅馬騮仔!

佢哋之所以出名係因為佢哋連日由山邊走到屋邨內搶食, 目標係單身嘅手持超級市場或街市膠袋人士, 由於佢哋每次都聯群結黨咁行動, 令人為之聞風色變, 行到邨口就即刻急急腳番屋企也~

下次都係帶個大袋出街, 如果有咩街市袋or超級市場袋就放晒入去, 咪唔驚馬騮仔會搶lor~ 但係話時話, 佢哋搶生果蔬菜就食到0者, 咁罐頭食品佢哋會點食呀???

改變自己!!!

我覺得自己依家嘅生活方式同心態唔係咁好, 生活方式可以好易改變, 但係心態就會就好多因素影響到...

基本上我係想開心d, 個人開心d, 心情好d就自己做咩都順利d啦~

所以我嘅第一步就係去兔協做義工識多d人, 加油呀~

有關兔協...

頭先睇完幾位兔友的blog, 好開心可以睇到其他兔兔同兔爸媽的生活情況, 好開心呀~

其中兔婆(正牌那位)的blog令我感受很深! 佢講到有位叫Picnic的同事俾人話佢講電話同冇禮貌, 但我自己都上過兔協, 覺得每個staff都係盡心盡力去對d兔兔好, 只要真係愛兔之人, 根本唔應該介意在兔協內的staff點樣對入嚟嘅人, 而應該睇清楚佢哋點對d兔兔至0岩!

兔協嘅成立主要係俾多d資源同service d兔兔, 而唔係俾人去window shopping, d兔兔唔係貨物, 上次我想領養都只係睇相簿, 最多都係喺房外面遠距離望下, 因為我哋喺街上到去, 有幾多菌呀! d兔兔好易受感染架嘛, 好心d人用下腦啦, 你都唔會一番屋企就即刻去抱自己嘅小朋友, 都會識先洗手啦~ 

仲有, 唔理人哋係咪義工都好, 一眼睇晒有幾多人啦, 所有嘢都係佢做喎, 話人講電話, 人哋忙你唔知0者~ 話d兔籠多屎屎, 搞錯呀, d兔兔"直落架嘛, lee頭執完一分鐘後又有嘞, 唔通全日企喺房入面執咩? 就算你入門口見到個staff超cool, (三唔識七, 唔通同你黎個big hug先呀?) 不過一講到兔兔, 人哋一定即刻熱情晒lor~ 

我今個星期日就會去兔協做義工喇, 好期待呀~

P.S. 唔知點解我在兔婆個blog留唔到言(回應下面冇咗個留言框框), 有冇人知點解呀?

女人麻煩!!! 上咗年紀嘅女人仲麻煩!!!!!

好唔開心, 公司個清潔姐姐唔知點解無端端唔睬我, 出街食飯又淨係唔叫我一個, 對頭行埋嚟又玩張staff card扮睇唔到我, 自問平日對佢都好有禮貌, 我對佢態度絕對好過對我SUPERVISOR, 又冇咩行為曾經令佢工作不便, 真係唔明有咩踩親佢氣尾LOR! 我成世人最憎人咁樣, 有野又唔大大方方講出嚟, 係都要做埋d小動作, 勁火呀!!!

最驚就係佢將d唔係話佢嘅說話(有時我同d同事會傾下d客嘅野), 又或者我同其他同事間嘅戲言, 佢自己對號入座, 當咗我係話佢, 咁我就超無辜喇~~~

大家日對(office hour)夜對(OT), 講真對住佢重多過對屋企人, 佢突然咁我真係好難受, 最慘就係我試過走去想問清楚佢發生咩事, 佢又趕我行開咩都唔俾我講喎, 勁嬲LOR, 有咩事要嬲得咁鬼祟呀?!!!

唉~ 我依家應該點做好呢???????????  

上兔協搗蛋

今日帶咗Bubble上兔協剪甲甲(我仲未敢幫佢剪 ), 佢不停用腳仔踢Shirley姐姐, 一時又大翻身, 一時又整蠱Shirley 姐姐, 人哋要幫佢剪手甲, 佢就搋隻腳仔俾人, 真係俾佢激死!  

不過最慘嘅都算係兔協隻貓貓, 唔知點解Bubble對佢特別有興趣, 人哋訓緊覺佢就走埋去整醒人, 貓貓怕咗佢走開, 佢就死要跟住貓, 一於嚇唔死貓, 誓不為兔咁款......  貓貓, 辛苦你喇~

不過我都有d慘, 我見到有人抱咗待領養兔兔"波子"出嚟玩, 見佢好似團棉花糖咁可愛, 我咪又走去抱下佢lor, 點知佢一啖咬落我大脾度, 唔知係咪聞到Bubble陣味唔鐘意呢? 波子, 你咬到我又瘀咗又痛啊~

                 

                          lee隻八掛妹一上到兔協就四圍聞, 搞到張椅腳都有口水.....

 

                   

                    貓貓: 喵~ 你係何方妖物, 你跟我做咩呀?

                    Bubble: 我睇下你點解咁驚我lor~

              

                貓貓: 我怕咗你喇, 你走開啦, 我要番屋企(籠)呀~   

                Bubble: 我就係唔走開, 嚇死你~

小頑皮一族

琴日上堂時影咗D小朋友們嘅上堂情況, 放上嚟同大家分享吓, 去片~~~

黃帶lee個傻豬仔我叫佢做"孫悟空", 因為佢每堂都精力充沛又醒目, 甚得小琪Miss我歡心~

而左圖個女仔亦係精乖伶俐, 係我上堂嘅小助手, 佢嘅絕招係對住d曳嘅小朋友大叫: 唔好嘈喇! Miss蔡罰人喇!!"

                      

                               lee班係大少少嘅學生, 由我師父親自操刀教授, lee腳都算有板有眼啦~

                      

                                                                       阿sir發火, 非同少可~

                        

lee個小朋友個英文名同我一樣, 都係叫Gladys~  但係佢同我好唔同嘅就係我教咗佢兩年點分左右, 大小姐佢都仲未分到......

                          

                                                                                     孫悟空 Vs 哪吒 

              

                                             做掌上壓做到潛水咁, 唔得! 下堂一於要特訓!!!