頭先收到兔協校長Shirley姐姐電話, 佢話Bubble仲咁細個, 如果我想養多隻兔兔應該等Bubble大個d先, 免得Bubble俾新兔兔嚇親, 抵抗力降低繼而發病咁就慘喇! 咁都好, 等我教得Bubble乖d先養多隻, 到時Bubble幫我教佢, 我咪唔駛咁勞氣lor, Yeah~ 
另外, 趁同校長傾開, 順便問埋Bubble唔肯食草草同唔用厠所嘅問題:
唔肯食草草 -- 一定係扭計計, 因為佢有食乾糧, 有食草草零食, 淨係唔食乾草~
唔肯用厠所 -- Bubble仲細, 等佢大d過兩個月先教都得~
唔該晒呀, Shirley校長! 
P.S. Bubble唔知係咪怕下次會俾Shirley姐姐鬧, 所以兔爸一番到屋企就見到奇景 -- 兩日冇郁過嘅草草全部沽清!!! Shirley姐姐你係得嘅! 
其實 Bubble 依家幾大呀, 阿 Bee 細個個陣都係細細粒架, 不過... 唔覺唔覺咁吹漲咗我都唔知, 襯佢依家精靈可愛, 最好就幫佢影多 d 相, 影底佢既成長過程, 一年之後睇番, 你就會知道, Bubble 何時由細碼變中碼, 中碼變大碼. 我同我死黨成日都話, 當初俾 Bee Bee 的得意可愛呃咗, 因為佢已經由一隻小兔兔, 變成一隻兔婆娘, 真係信不信由你呀....
回覆刪除KSVON: Bubble依家啱啱3個月大, 細細粒, 好cute0架! 不過佢已經比上個月番屋企時大隻咗少少, 佢0訓覺時成條雞泡魚咁超得意0架! 另外, Bee Bee點會變咗兔婆娘0架
回覆刪除因為佢個衰婆除咗我之外, 就係人都 wo, 有一晚難得哥哥 (我細佬) 早收工番黎同佢玩下, 點知玩唔夠兩秒佢就已經 wo 哥哥, 哥哥話 : 惡成咁, 鬼唔望你嫁唔出做老姑婆, 成隻 "功夫" 入面既包租婆元秋咁, 嗅脾氣.... 我呢... 即刻話 : 哥哥, 咪咁毒辣好喎.... 所以呢, 大小姐係我細佬心目中, 已經係一隻兔婆娘 ~~~ 惡到死呀... 另外呢, 小琪你依家點呀, 我睇番你之前的網誌, 先至知你整親, 小心 d 呀, 多多保重, 因為 Bubble 會擔心你架, 我同 Bee Bee 當然都會記掛你啦, 好好保重呀, 知道嗎?
回覆刪除KSVON & Bee Bee: 多謝你呀~ 我睇咗中醫開始做針灸後已經好番d, 聽日番工lu~
回覆刪除