今年係我第一次喺lee間公司參加Annual Dinner, 氣氛好好, 大家都玩得好開心~ 
令大家最開心嘅當然係員工大抽獎，抽枱獎同埋玩遊戲嘅獎金同獎品啦~ 首先係員工大抽獎, 每位同事都會有份, 係由各分公司贊助出嚟俾我哋嘅現金獎 (我覺得仲好過送電器!), 最少100美金, 最多3800港幣; 枱獎就係金豬仔一隻; 最後就係抽人名上台, 喺放滿紙條, COUPON同銀紙嘅抽獎箱內, 用10秒時間一手抽出獎金, 抽到幾多都歸你嘅! 
我有幸抽到200蚊美金, 同埋上到台玩遊戲抽到190蚊, 好開心呀~ 
放得幾日紅假, 初四就要番工喇~ 聽d同事講開工好日首選為初四, 希望大家今年順順利利, d花紅雙糧生生性性~ 
一早番到公司就見到每位同事枱面都有一對桔, 一封利是同埋一個小財神, 好意頭又得意, 我鐘意呀~ 
年初三媽媽帶咗我入元朗去佢師公屋企拜年, 嗰度都有隻貓貓兔, 大我成2個碼, 嚇死兔喇~ 
不過佢全程冇點郁過, 我覺得佢好似有少少自閉咁...... 
個個哥哥姐姐掛住同我玩, 但係點解冇人俾利是我嘅?! 
不過唔緊要啦, 有靚女姐姐抱住我, 唔駛利是啦~ 
小琪: Bubble豬, 我抱你又唔見你坐定定? 
海豚馬麗兩年前被人自安科納港救起時滿身瘀傷，幸得里喬內一間水族館的訓練員蒙蒂細心照料，漸漸恢復健康。37歲的蒙蒂在家中養了兩隻狗，她日間到水族館工作時，就把狗兒留在家中。豈料蒙蒂35歲的鄰居多托受不了她兩隻狗不斷吠叫，早前一怒之下衝入蒙蒂家中，用刀將她刺死。
蒙蒂遭逢不測後，馬麗便不肯如常喝牛奶和吃烏賊，體重因此減了50公斤，僅剩160公斤。牠患了胃炎，怎樣治療也沒有起色。水族館主管表示，海豚與訓練員一般都很親密，馬麗與蒙蒂的感情尤為深厚，「蒙蒂經常拍馬麗的身體，馬麗會用鼻子擦她的臉」。
為免馬麗餓死，水族館替牠找了一條年紀較大的海豚佩萊作伴，希望牠們會建立友誼，希望激勵馬麗再次進食，然而計劃看來沒什麼效用。水族館周日向全球公開這個「深情故事」，希望有人能想出救回馬麗的良方。
點解年初二會無奈呢? 其實都唔關年初二事嘅, 只係咁啱今日係中國新年嘅年初二0者......
點解會無奈? 咪又係因為同G嘅感情問題lor~
G覺得我永遠都很難服侍, 無論做乜都得不到我的歡心, 但只要係了解我多一點的人都知道我並唔係咩都要男朋友幫到足嘅普通女仔, 我由細就因為唔係太多人理我, 所以好多嘢都會自己做, 加上大家生活方式唔同, 做嘢方法都唔同, 所以每當我提番佢我嘅做法時, 佢就會覺得我(經常)太挑剔, 佢明明冇錯我都話唔啱(其實好多時都係我自己錯過, 過後領悟到or有人教我lee個方法, 先至會提供俾佢), 再者, 你用緊我d野or幫緊我嘅時侯, 使用方法、程序同埋規則我諗我會最清楚, 請俾佢知只係想避免浪費時間, 佢又唔鐘意, 咁叫我點做好? 由得你去錯咩? 我又一定會唔抵得自己出手, 平日好多時好多事情上面, 佢唔會察覺到我嘅(大或小)需要, 好多細節亦唔會關心到, (就算做到出面俾佢睇, 想佢下次醒目幫我做or做嚟tum我開心, 但都唔會留意到!!! )
lee d我都算數, 我都知冇得強求, 只有怨自己唔好彩, 同自己講人冇十全十美lor~ 
但係佢就成日話唔知我幾時會嬲, 好多嘢都唔敢講同做, 喂!!!!! 大佬呀, 你自己整嬲過我一次都會明白幾時唔講得邊句嘢啦, 對我咁耐都知邊d野我自己會做, 都識得唔駛幫手喇掛~ 下次搵個合適嘅timing講咪得lor, 咁你都懶記我都幫你唔到lor, 如果係咁, 大家嘅關係只有繼續差落去, 直至......睇下邊個頂唔住...... 
(最慘就係之前對我最差的ex都做得到...... 咁先至最無奈!!!)
其實我知道我同佢唔係唔夾, 最大問題只係溝通, 佢成日用"唔知我幾時會嬲, 好多嘢都唔敢講同做"嘅藉口, 我唔係話佢有錯, 但我就覺得佢都冇想過用另一個角度去了解件事同埋我, 反而慣性第一時間就列咗係我喜怒無常lor~ 
今日係年廿八, 身為中國人嘅我當然要應吓節執吓嘢, 好好大掃除一番啦~ (Bubble: 其實係媽咪一直都唔肯郁, 留到今日先肯執吓咋~
) 喂! 好喇喎囡囡, 唔好成日踢爆媽媽好喎~ 
不過執完之後都唔錯, 總算有番個枱面咁啦~
再過幾日就新年喇, 祝各位Blog友身體健康, 步步高陞, 心想事成, 財源滾滾來~
仲有祝各位兔兔快高長大, 長食長有, 龍精兔猛~ 
年大吉, 
