My Mini Toy Shop 開張喇~

由細到大都好鍾意扭蛋, 年頭到依家都買咗d架撐(各式膠盒及熱熔槍), 諗住放好我d寶貝, 今日終於心血來潮一口氣整咗個上集, 睇住先啦, 希望聽日有時間繼續整埋下集~

最鍾意lee套, 一套十款, 仲欠3款 (3, 4, 8號), 但我就double咗(1,5,9,10號), 如果有Blog友屋企有double嘅話, 歡迎交換!

備戰

自從背傷之後都冇運動過, 豬肉多咗好多, 加上心思思想繼續考升級試, 今日終於啲起心肝買咗個Exercise Wheel番嚟操吓, 我買咗個男裝嘅, 可以做全身運動, 放喺屋企等自己冇藉口話冇時間去gym room!!!

希望可以操番fit d, 展望參加出年年尾考試! 加油呀!

小王子出巡

今日媽咪帶咗我去兔協剪指甲, 今日YUKI姐姐幫我剪呀, 仲幫我梳埋毛毛TIM, 見係你咋, 媽咪我都唔俾梳架, 唔該晒YUKI姐姐~

臨走前媽咪又買咗$300幾蚊草啦, 餅乾啦, 小麥草啦, 仲有間茅屋俾我TIM呀! 多謝媽咪~

(回程時巴士上偷影BUBBLE傻豬樣)

巨B

同事個巨B, 超可愛, 好想錫佢一啖呀!

甩晒油tim...

琴日手痕見d跆拳裝備好耐冇用過, 攞出嚟睇下啦, 點知一攞出嚟除咗lee副甲之外其他野都甩晒油, 唉~ 又要買過lu......  

 

新鞋仔

著開嗰對藍紅間Converse終於爛咗, 喺C.P.U.見到LEE對, 超鍾意, 諗都唔駛諗就買咗LU, 盛為$251個大洋(恆生咭有9折)~  

 

追月...... 好似遲咗d

今日先嚟追番個月好似遲咗d, 不過都補祝大家中秋節快樂!!!

有BLOG友問我點解咁耐都唔寫BLOG, 咪就係因為個"懶"字LOR, 仲有就係俾BUBBLE仔激到生蝦咁跳, 連寫BLOG都冇心機呀......

話說中秋節當晚諗住幫個衰豬著番件行街繩背心仔帶佢落街扮下燈籠熱鬧下啦, 個衰仔不停發脾氣唔肯著不特止, 仲狂抓我tim呀!!!   嬲到我自己都冇去行到就番咗屋企訓覺喇, 你話仲邊有心情寫BLOG吖~

BUBBLE仔, 你好曳曳呀! 要乖D至抵錫架嘛!

同場加映, 大陸SUPPLIER送嘅兩盒超大超靚月餅, 不過冇人敢食, 同事們, 索吓好喇~

超失望! 以後都唔會再去食飯!!!

今日難得同媽咪撐枱腳, 去咗沙田市中心新開嘅PARKVIEW, 之前同朋友嚟食過都唔錯, 所以今次再嚟過, 不過就好失望...

我點了一個龍蝦汁海鮮天使麵, 媽咪就要咗個魚柳配牛肋條。 冇幾耐餐湯同麵包到咗, 幾好味, 飲完醒起好似未上前菜wor, 問下waitress, 馬上補番, 但態度好差, 漏咗上前菜俾客人就上餐湯, sorry都冇句仲"飛"兩碟salad落枱面, 好似好麻煩到佢咁, 兩碟salad"著陸"時個salad bowl同隻碟係歪晒嘅!

到食主菜, 魚柳配牛肋條-魚柳OK, 牛肋條就有好明顯嘅鬆肉粉味, 完全唔係lee個價錢嘅質素; 龍蝦汁海鮮天使麵-個汁ok, 天使麵overcooked, 太焾, 海鮮就... 第一隻墨魚雖然有好大陣雪味, 但出街食都預咗, 正放第二隻時墨魚入口時, 吐都吐唔砌, 隻墨魚已變壞, 唔止唔新鮮, 仲臭嘅tim!!! 即刻同其中一個waitress講, 佢叫咗個supervisor埋嚟, 佢同我講幫我換咗隻墨魚@.@ 唔係掛, 只換墨魚根本冇意思, 加上都已經反晒胃啦, 俾龍肉我都唔會再食得落, 佢見我又唔想要其他野, 就話俾85折我地, 其實俾discount都係冇意思, 因為我已經即刻唔舒服去咗toilet嘔, 番來後就埋單走人, 之前個supervisor喺我哋埋單時亦冇過嚟follow up睇下我食咗碟有問題嘅意粉有冇唔舒服, 好差!好差!真係好差!!! 我諗以後都唔會再去!

新傑作... 海綿蛋糕登場!!!

今日精神好番d, 心中嘅一團火又再升起, 繼之前兩次失敗嘅朱古力蛋糕之後, 今日整番普通嘅海綿蛋糕, 終於成功咗喇!  至於食評呢... Mommy話似中式蛋糕, 冇計啦, 屋企d白砂糖用晒, 用住庶糖頂住先; Daddy話唔夠牛油, 下次加多d lor, 唔好食咁油呀, 唔健康呀!

總之一句講晒...... 好味道! Yummy!!!

 側面

 頭頂

 正面

點影都係咁靚仔! 

 

打敗仗...

前日番工時已經覺得唔係好舒服, 番到公司又咳又流鼻水, 到lunch time終於頂唔住要請假番去睇醫生, 睇完醫生番屋企食藥勁訓, 起身時已經係10點幾, 好番少少, 食d野又再食藥再訓, 到琴日朝早起身, 個頭超wing, 喺廳坐咗一陣都係咁, 打俾老闆娘請假, 再訓, 幾個鐘之後總算好番D...