To My Dearest Friend

TO: 嘉敏,

 

HAPPY BIRTHDAY!

 

琪

你啤夠未呀???

今日去咗上裁判重溫班, 喺toilet換完衫出嚟一開門就見到小師妹, 佢入我出, 佢一入到changing room就嘭埋度門, 唉! 真係唔明點解D小朋友咁小器, 話說我同佢現任男朋友以前拍過拖, 小師妹自從一同佢一齊後就當我係仇人咁, 見鑊啤鑊, 好煩 LOR~

咁大個人就成熟D啦, 師姐我就嚟結婚喇, 你乖乖哋唔好再搞咁多嘢啦好冇?

P.S. 今日因公事同LEE個前男友討論出賽日期, 佢叫我選擇某日, 我話唔得, 我要影婚紗相, 冇得改期, 佢聽到O咗嘴望住我半分鐘唔識俾反應我, 我就行開咗去笑!

上完裁判重溫後去咗婚紗鋪叫佢喺單上面加番琴日講過其中一項拖尾婚紗不用加收費用的TERM, 都肯加, 暫時唔似網上講黑店咁差, 希望一切順利啦~

我番嚟喇~

好耐冇寫 BLOG 喇, 唔係出咗TRIP, 又唔係去咗玩, 電腦亦冇DOWN, 只不過係新公司忙到飛起, 晚晚都成10點先收工, 番到屋企仲邊有精力寫 BLOG wor, 不過 BLOG 蟲勁咬, 今日點都要寫D嘢先訓 !

大家應該都睇到我嘅公告, 我結緍喇~ 時間定咗09年尾, 未來老公仔揀嘅, 日子應該就係我哋拍拖紀念日。

依家已經開始搵資料喇, 原來結婚都幾多嘢搞, 不過我哋已經訂咗今年12月影婚紗相, 連婚紗禮服同化妝都BOOK咗喇~

影婚紗相就訂咗青樺, 個攝影師仲同我同一日生日TIM呀, 仲會帶埋我個乖仔BUBBLE一齊影TIM, 當然只係同佢影STUDIO啦, 出OUTDOOR點捉住佢wor~ 租婚紗就喺金都, 上網睇到有D劣評, 但因係PROMOTION價, 平1/3, 好吸引, 睇過D衫都幾OK, 所以要先俾晒全數都照訂, D婚紗試過都OK好睇, 晚裝亦唔差, 唯一美中不足嘅就係我大隻咗少少, 好彩仲有幾個月時間, 一定要KEEP吓先得喇~ 如果各位 BLOG友有咩健康瘦身MENU, 記得SEND俾我呀!THANK YOU ~

今日先知道原來跆拳考試同影婚紗相日期只差一星期, 好彩係影相先, 如果唔係, 考完試踢板踢到瘀晒都唔知點影呀~

今日就寫住咁多先啦, 遲D再同大家分享吓我嘅瘦身進度同待嫁日記啦~

 

我要向大家宣佈......