今日如常番Church, 本來約咗余神父傾 喺教堂行婚禮事宜, 不過琴晚臨時話今日要去拜山, 唯有早少少去教堂同神父講聲啦~
去到見有教友幫手賣緊書, 埋去睇吓先~ 原來係余神父嘅大作同埋聖詠CD, 就買一set啦~ 之後終於等到余神父開完彌撒出嚟, 即刻同佢傾咗兩句, 順便搵埋佢簽名~ 好似佢嘅小Fans咁! 呵呵呵~
余神父真係好nice, 好期待佢幫我哋主持婚禮 ^^
今日係小灰牛一, 特登安排今日試禮服。
小灰選了1套米金禮服 (早上及教堂) 及 1套銀黑禮服 (晚上), 好帥啊~
我就選咗1件紗1褂2晚裝, 其間阿Yan同Stella不停攞靚衫俾我試, 好彩有你哋咋, 如果唔係都未必有咁順利! Thank you 晒呀~
但係其中1件晚裝屋企人話唔係咁好睇(but我自己鍾意), 遲d睇吓有冇其他更靚款可以換先~ 好耐冇試衫試得咁開心喇~
同屋企人去咗西貢行街, 例牌嫲嫲, 姑姐, 媽咪一定先去盧冠廷間環保用品鋪頭朝聖。 之後去咗食海鮮, 味道一般啦。 然後佢哋番屋企先, 我同小灰就拍拖行多陣 ^^
一落車就見到嘅"紙船"
嘩! 好多蟹呀!! 但係點解走晒上道牆上面嘅?
海濱公園景色
好可愛嘅鬆獅狗呀~
