暴走Bubble

隨住Bubble一日比一日"漲"大, 佢亦都越嚟越大力, 一落咗地就好難捉得到佢!  琴晚我將佢按喺地下, 佢對腳仲好似摩打咁係咁run, 差d俾佢走甩!  

行路仲快, lee頭見佢喺左面, 轉頭已經唔見咗, 好似d小朋友著咗暴走鞋咁快!   如果日日跟住Bubble周圍跑, 我諗一個月都可以瘦到10磅呢!

仲有, 琴晚放Bubble出嚟時玩得太開心, 唔記得放個厠所出嚟, 又冇俾佢入番籠去厠所, 最後當然係我遭殃啦, 成褲濕晒!  過咗一陣, 連地主公公個門口都中埋招, Bubble你曳曳喇!  我見到Bubble d尿尿好濁, 唔知係唔係因為啱啱食完嘅乾糧溶咗落去定係佢飲得水少呢?  駛唔駛睇醫生0架??? 

P.S. 兔爸又投訴Bubble咬損佢心口, Bubble!  媽咪警告你, 你要咬就咬青蛙仔, 唔好再咬Daddy喇, 你再咬佢嘅話, 我唔同你客氣0架!