Happy Wedding

我同小灰嘅婚禮終於喺11月27號完滿舉行, HoneyMoon亦都已經完畢, 亦意味住我哋將要開展新生活, 無論將來嘅世界係點, 我哋都會履行誓言 "從今以後, 無論環境順逆, 疾病健康, 我將永遠愛慕尊重你, 終生不渝。" 同時亦都期待我哋2年後嘅可愛小Baby

Invitation

Dinner 11.06.2009

第一餐喺新屋煮嘅正經晚餐, 味道同賣相都算合格, 不過份量就預多咗, 下次整少一半就啱啱好~

四圍"騰"

LEE排成日見到爸爸同媽媽四圍"騰", 今日去LEE度聽日去嗰度, 差D連幫我買米(糧)嘅時間都冇, 琴日終於知道佢哋搞緊咩喇, 原來我哋就嚟有新屋住喇! YEAH~~~

我番嚟喇~

好耐冇寫過BLOG喇, 之前因公事 + 婚事 + 跆拳事超忙, 冇時間寫BLOG, 大家係咪好掛住我同Bubble仔呢?

琴日去咗天神村同各村民影相, 今晚番到屋企整理好就會UPLOAD上嚟架喇~

病咗~

琴晚喺公司已經開始唔舒服, 喉嚨有d痛, 個人又暈暈哋... 到咗放工番屋企又唔係好食得落飯, 個人開始發熱就知道中咗招喇, 即刻去沖涼訓覺, 當時只有8點幾。

今朝雖然冇發燒, 不過成身都好痛, 好似俾人打咗一身咁, 同埋仲係好暈,都係唔好博, 命仔緊要, 請假一天睇醫生。

On the way去睇醫生, 阿姐打電話俾我, 問我係咪H1N1, 你就想, 冇咁易有假放呀~

可能因為病毒肆虐關係, 雖然係公司平價醫生, 但都比平日問多兩句, 好彩佢話我係普通感冒0者!

趁今日放假, 整好個教堂Invitation Card layout, 聽日send俾公司附近間印刷公司, 應該1個星期有得攞~

恩賜

今日出動到導師幫我再去問過聖堂office, 原來婚禮場地真係得一個價錢, 都未嚟得切失望, 阿KEN就講咗個令我超感動嘅消息俾我聽 -- 3位導師見我哋book咗隔離教堂都寧願撻訂想book番聖本篤堂行禮, 亦睇見我哋由本來因場租問題而放棄喺教堂行禮改為9秒9搵教堂, 搵神父, 報明愛婚前輔導course, 決定幫夾份做人情, 俾一半教堂場租做賀禮, 多謝阿Ken / Alice / Justina, 更加多謝天主嘅安排! Thanks God!

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

講番琴晚又幫Bubble仔梳毛剪甲, 個衰仔梳毛都仲好少少, 淨係走佬幾次, 一到番轉剪甲就"咕咕"聲鬧我, 剪甲時都未剪落去就縮番隻手/腳, 剪一隻縮一次, 真係俾佢玩死! 曳曳豬, 媽咪服侍你都鬧, 因住俾雷公打pat pat wor~

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

仲有半年就到 BIG DAY 喇, 今日總算寫好晒 rundown / budget / seating plan, 仲整埋絲帶個layout, 之後就應該剩番以下事項:

-- 列出 RUNDOWN中 DETAIL事項;

-- 明愛course x 2 days (14 & 28 JUN);

-- 取結婚用領洗紙@聖依納爵堂 (JUL);

-- 睇新禮服 ~ 換其中一件;

-- 政府排期註冊 (27 AUG);

-- 交明愛cert / 結婚領洗紙 / 政府文件到聖本篤堂 (13 SEP)

-- 約余神父了解教堂禮儀程序及有關單張 (13 SEP);

-- 印教堂Invitation Card & 晚宴請帖 (Mid SEP);

-- 買餅咭 (Mid SEP);

-- 準備簽名筆 / 花球 / 佈置裝飾 (OCT - NOV);

-- 預訂麗豪酒店套房 ~ 接新娘用 (OCT);

-- 預訂婚禮當晚酒店 ~ 方便翌日還衫 (OCT);

-- 唔知仲有冇漏呢?

依家仲係抱住"負責大Project"嘅心態, 唔知遲D仲會唔會咁輕鬆呢?

 

Body Check

今日係Dr. Betty同Bubble仔一年一度嘅約會, 下晝3點鐘, 帶咗Bubble仔去診所, 早咗少少到, 我同小灰先去食碗糖水等開門。

入到去診所, 第一個就到仔仔喇,  Dr. Betty話佢好乖 (係咩? 唔覺wor!), 手仔腳仔都冇事, 牙仔都好靚, 但係... 有兔虱wor!! WHAT?! Bubble仔有虱? 佢冇落街玩架wor, 唔通係去剪毛修甲時惹番嘅??  好彩Dr. Betty話好少事, 只要滴藥水, 1個月1次, 滴3個月就會好番晒, 咁都冇咁驚~

夜晚番到屋企, 諗諗吓都係唔好再帶Bubble仔去俾人剪毛修甲甲, 免得再惹到虱就真係冇仇報喇~ 所以就同兔爸夾手夾腳親自操刀幫住梳毛, 經過3-4次走佬之後, 終於俾我梳晒佢成個身, 仲梳咗好多死毛出嚟tim呀! 趁佢咁乖仔, 諗住幫佢剪埋甲甲啦, 點知佢出兔拳打我哋呀, 衰仔, 冇用架! 你唔記得咗你兔媽我係武林人士咩? 終於唔駛5分鐘, 剪晒16隻甲甲, 大功告成!

以後可以自己幫Bubble仔扮靚靚, 慳番d錢可以加埋落去Bubble零食玩具基金lu~  

Bubble偷渡搭巴士~ 嘻嘻!!

媽咪, 點解訓醒仲未到嘅?

俾兔虱咬到紅晒仲甩毛tim呀! 好心痛啊~

診所懶訓貓咪~ 喵~

一年一度裁判日

話說琴晚為咗方便去天水圍體育館, 所以入咗細佬屋企寄宿, 今日6點就起咗身, 梳洗後7點左右就出門口喇~ 本來約咗阿sir食早餐, 但係等極佢都未出門, 搞到最後我都唔夠時間食早餐, 哼!

8點就開始搬物資, 舖地墊, set計分器, 電腦分牌, etc... 到9點鐘各就各位, 比賽正式開始!

比賽一直進行到下晝5點幾, 終於打到最後一場, 由我做主審, 點知就係lee場, 喺叫停嘅時候其中一方選手收腳不及, 大腳踢咗落我盤骨同肚度, 就係咁, 叫St. John嘅唔係參賽選手, 而係我lee個手無寸鐵嘅裁判lor... 唉~

最離譜就係個總裁判, 仲問我咩事? 乜你對眼唔係要望住場比賽架咩? 點解我受咗傷你都可以唔知? 番屋企反省吓啦!!!

番到屋企睇番, 原來瘀咗成隻掌心咁大撻呀, 唔怪得咁痛啦! 嗚... 嗚...嗚...

** lee張相中嘅阿sir全神灌注, 完全無問題, 不知所謂嘅係隔離枱嗰個 **

寄宿

聽日要番拳, 時間地點係朝早8點天水圍體育館, 我本第住沙田, 如果真係要起身至入天水圍, 仲要食埋早餐, 分分鐘要5點半出門口, 所以俾我諗到去細佬到寄宿一晚, 而細佬就俾我踢咗番沙田訓~ Hahahahahaaaa!!!  

雖然屋仔細細, 但係原來1個人住真係好FREE架~ 唔怪得佢成日唔願番沙田啦~

溫多陣賽例, 睇陣電視就要訓 lu~

小Fans

今日如常番Church, 本來約咗余神父傾 喺教堂行婚禮事宜, 不過琴晚臨時話今日要去拜山, 唯有早少少去教堂同神父講聲啦~

去到見有教友幫手賣緊書, 埋去睇吓先~ 原來係余神父嘅大作同埋聖詠CD, 就買一set啦~ 之後終於等到余神父開完彌撒出嚟, 即刻同佢傾咗兩句, 順便搵埋佢簽名~ 好似佢嘅小Fans咁! 呵呵呵~

余神父真係好nice, 好期待佢幫我哋主持婚禮 ^^

試禮服

今日係小灰牛一, 特登安排今日試禮服。

小灰選了1套米金禮服 (早上及教堂) 及 1套銀黑禮服 (晚上), 好帥啊~

我就選咗1件紗1褂2晚裝, 其間阿Yan同Stella不停攞靚衫俾我試, 好彩有你哋咋, 如果唔係都未必有咁順利! Thank you 晒呀~

但係其中1件晚裝屋企人話唔係咁好睇(but我自己鍾意), 遲d睇吓有冇其他更靚款可以換先~ 好耐冇試衫試得咁開心喇~

西貢留影

同屋企人去咗西貢行街, 例牌嫲嫲, 姑姐, 媽咪一定先去盧冠廷間環保用品鋪頭朝聖。 之後去咗食海鮮, 味道一般啦。 然後佢哋番屋企先, 我同小灰就拍拖行多陣 ^^

一落車就見到嘅"紙船"

嘩! 好多蟹呀!! 但係點解走晒上道牆上面嘅?

海濱公園景色

    

好可愛嘅鬆獅狗呀~

 

遲來的情人節禮物

    

兔爸買咗塊畫板俾我做最後一份結婚前嘅情人節禮物, 不過今日至"正式"收到, 因為搞咗成10日, 今日先裝到, 好開心呀! 多謝老公仔~

Lunar New Year!!!

今日係年初五, 我哋一家三口祝大家身體健康, 出入平安, 步步高陛, 萬事如意, 心想事成! 大人搵多d, 小朋友聰明伶俐, 小兔聽聽話話~ 恭喜恭喜!!!

年初一同往年一樣, 去咗同爺爺拜年, 初二就番咗去媽咪外家拜年, 今年又多咗個8個月大嘅表弟仔, 佢勁錫我lee個大表姐, 仲用口水同我gel頭tim! 初三就去咗行山, 不過同一大班唔識嘅人一齊, 等仲多過行, 下次都係唔好搞我, 同跆拳友去先叫我啦~  之後就去咗師公屋企拜年, 之後就番屋企食飯喇~

初四就番公司開工, 不過都係放半日~ 今日就攞咗假休息多日, yeah~ 

星期一就正式開工喇, 好唔捨得個悠長假期啊~ 

 

Good Luck@Year 2009

1月2號係09年第一個working day, 不過我就去咗同 doctor 講 Happy New Year!

咪又係感冒lor, 不過我已經好番喇, 但係就輪到小灰病lor~

希望2009年開始, 大家都Good Luck啦!  

2009年新開始

2009年新開始, 祝大家開開心心, 笑口常開!  

今年我哋一家3口嘅大計如下:--

Bubble媽: 下嫁黃家大少爺-小灰哥哥做其一世黃太~ 

(小灰咁悶, 對住佢成世唔知會唔會悶死呢?)

 

Bubble爸: 迎娶蔡家大小姐-小妹為妻, 做其正牌老公仔~

(小妹唔識煮飯, 唔知會唔會餓死個老公呢? 快d睇吓七出之條有冇講老婆唔識煮飯可以休妻先!)

Bubble仔仔: 終於可以同爸爸媽媽一齊住, 爸爸唔駛再俾媽媽三更半夜叫醒報告本少爺做緊咩喇~

(同爸爸媽媽一齊住, 唔知兔哋d零食會唔會有雙份呢?)