新零食．．．

補回8月31日被我遺忘嘅一篇BLOG

Bubble仔D草餅食晒, 琴日教完跆拳就落荃灣轉車時順便補貨。

攞草餅時見到貨架上面有1pack2條嘅乾粟米, 等我買番去俾Bubble仔試下先~

未開封前嘅粟米

由我哋嘅直昇機拍攝到嘅片段, Bubble仔聞咗條粟米幾吓就彈開咗~

最後仲攞個八月十五對住佢, 表示不滿佢擅闖兔居tim!

 

至截稿之前, Bubble仔都係冇掂過條粟米一啖．．．

新玩具

去完會展, 同兔爸去咗尖沙咀行街街, 上次喺海港城間"香港唱片"睇中咗個2個Headphone, 但未諗掂買邊個, 所以今日再去多次。

1st choice - 大牛龜一個, 冇得摺埋, 重D, 但型D~

2nd choice - 輕巧摺得埋Headphone, 方便帶出街用~

店員介紹第2款音色尚算不錯, 加上我鍾意佢摺得, 最後買咗lee款, 睇吓~ 由我最愛嘅Monchhichi戴俾你哋睇下啦~

會展~家具展+婚禮用品展

今日又去咗會展睇婚禮用品展, 同之前2次都差唔多, 一入到去例牌俾SALES圍, 一於當佢哋透明直行直過算數~

今次主要睇酒席, 因為原先選定那一間唔知會唔會續約, 所以要搵定後備先。

睇咗十間八間, D價錢都OK貴, 但菜式只屬一般, 冇咩特別, 應該會再睇定D先BOOK。

同場仲有家具展, 都冇咩特別, 行咗個圈就走人LU~

 

新厠所

今日幫落堂之後喺荃灣轉車時幫Bubble仔入番D草草, 順便買埋個新厠所。

本來個厠所仲新簇簇嘅, 用咗都唔夠半年, 但係俾Bubble仔成日跳上跳落, 整到入面個鐵架跛咗一隻腳側埋一邊, 所以就要換過個新嘅俾佢lor~

阿仔呀, 你斯文D得唔得呀, 乖豬啦~

好利害嘅鸚鵡!

又有一日8號風球假喇~ 可以連放3日, 勁開心!

點知掛掛吓仲變咗9號風球tim, 連街都出唔到, 唯有留喺屋企睇電視同上網啦~

上星期兔爸買咗林一峰演唱會DVD俾我, 終於有時間睇喇, 真係好正, 最鐘意佢同梁祖堯合唱嗰PART, 勁正!

咁多首歌最鍾意紅河村, 好TOUCHING~ 

 

 

小搞作

好耐冇post過Bubble仔嘅相喇, lee排好忙, 都冇時間同佢影相, 啱啱download咗個執相software, 就搵D舊相玩吓小搞作啦~ 你哋覺得好唔好睇呢?

 

小心讀每一個，再用兩秒想一想

Dear Friends,

小心讀每一個，再用兩秒想一想

1.我愛你不是因為你是誰，而是我在你面前可以是誰。
2.沒有男人或女人是值得你為他流眼淚，值得的那一位，不會要你哭。
3.那人不是你所想般愛你，但不代表那人不是全心全意地愛你。
4.一個真正的朋友是向著你伸手，觸動你心靈的人。
5.掛念一個人最差的方式，就是你坐在他身旁，而知道你不能擁有他。
6.就算你不快樂也不要皺眉，因為你永不知道誰會愛上你的笑容。
7.在世界裡你可能只是某人，但對某人你可能是全世界。
8.不要花時間在一個不會花時間在你身上的人。
9.可能神要我們在遇到那位對的人之前先遇上一些錯的人，讓我們遇到那位對先生/對 
    小姐時懂得珍惜。
10.不要因為完結而哭，要為曾經發生而微笑。
11.這個世界永遠也會有一些傷害你的人，你要做的就是繼續去信人和小心你下次信的人。
12.在你嘗試了解其他人和盼望其他人明白你之前，先把你自己變成一個更好的人和了 
    解你自己。
13.不要太努力去找，最好的東西是在你最預計不到的時候出現。


緊記:
珍惜你所擁有的，慶幸所曾發生的。

3個月就咁過咗lu...

今日係番新工嘅第3個月零1日, 冇咩特別, 都係一貫咁攰, 唔知有冇人工加呢? 不過D同事話唔好咁大期望, 因為加都唔會加好多wor... 希望有驚喜啦~