失敗!

見上次個檸香蛋白蛋糕咁成功又咁好味道, 今日試整朱古力海綿蛋糕~

不過...... 衰咗...... 個蛋糕焗唔起, 得個面同底熟, 中間仲係生嘅......

究竟係可可粉落多咗定係衰在用打蛋器打麵粉呢?

聽日再整多次先得!

依家唔該大家為我個朱古力海綿蛋糕默哀一分鐘......

朱古力鐵餅

前排買咗包COOKIE MIX, 咁0岩今日手痕, 就整嚟試下啦~

1包COOKIE MIX, 1隻蛋, 3匙水, 4匙油, 搞埋就焗得, 勁方便啦~

焗咗出嚟就變成......咁! 

 

朱古力膚色, 靚唔靚仔?

晒過龍tim...  >.<

          

假人

都唔明點解世界上有d咁嘅人, 點解可以咁假? 點解要做d咁childish嘅野? 做俾人睇佢對某人勁好, 對佢有咩好處? lee d野我唔care, 因為我唔會走埋去爭, 我番工只要份糧, 做好自己本份就已經心安理得, 如果你覺得我想超越你嘅地位, 我想叫你留番啖氣到冬天暖肚,  因為我從冇諗過要上位, 你可放心, 我樂得有你做大嘅頂住半邊天, 我做小薯已好開心~

P.S. 今日你用個影印機蓋撞到我, 我諗下次叫我借歪應該唔會浪費你好多氣, 唔該晒~

好忙~ 好忙~ 好忙呀!!!

今日真係好忙, 加上琴晚0訓得唔好, 做野做到傻傻哋 @.@

連lunch食飯都冇咩胃口, 到咗下晝沖咗杯咖啡飲先至鬆番d~

平時飲咖啡係為咗提神, 今日飲咖啡就係要嚟回魂!

好彩有咖啡

~@.@~   ~@.@~   ~@.@~   ~@.@~   ~@.@~   ~@.@~   ~@.@~   ~@.@~   ~@.@~

歐洲手信

前排好友Hugo去完歐洲旅行, 番到香港當然要派下手信啦~ 我哋去咗沙田市廣場新開嘅Parkview食Dinner, 食物ok啦, 冇咩特別, 睇下我哋d靚靚手信好過啦, 去片~

 Donna收到lee個牛牛杯同埋坐梳化嘅牛牛公仔!我就收到lee個狗仔杯, 好得意呀~
嚟張合照先~
d麵包好味道~

Bubble: 都冇兔哋份食飯, 點解有我個名嘅?

米奇樂園?!

琴日番到公司, 去到放大假位同事個位幫佢睇E-貓時, 見到佢屏風上面嘅米磁石裝飾俾米奇食咗個平頂, 嚇到死死吓!  今朝番到公司仲勁~ 米奇連膠水樽都唔放過! 咬到個底穿晒, 駛唔駛咁口渴呀?

再睇多幾睇, 嘩! 不得了!  衰米奇仲邊行邊痾tim! 枱面、PO、Scanner、文件都無一倖免, 全部中招, 好彩今朝清潔阿姨有嚟到, 有佢幫我哋收拾殘局咋, 如果唔係都唔知掂唔掂佢好呀!

跟住清潔阿姨仲見到地主個發糕又俾米奇攞咗出嚟食, 上面菩薩兩個蘋果又俾佢咬咗幾啖, 哼! 你都算為食喇, 神枱食物都敢食, 乜你唔怕肚痛咩?

到咗下晝另一同事見到天花板上面有個窿窿, 係俾冷氣機水整濕咗再俾米奇咬穿架!!!  最驚就係個窿就喺正我頭頂過少少, 容乜易做做下嘢米奇跳落嚟我同say hello架???  好彩老板娘lunch後唔知喺邊度搵咗塊假天花番嚟叫阿叔換咗佢, 咁都冇咁驚~

唔知聽朝番去, 仲會唔會睇到米奇嘅新搞作呢? 唔該你唔好再出嚟嚇我哋啦~

天花板上面個窿, 足足夠米奇自出自入...

又俾Bubble仔攻擊!!!

前幾日兔爸帶Bubble仔嚟我屋企探我, 抱起個衰仔時又俾佢抓到成身痕, 最利害係圖中手腕同大脾一共6條痕 (大家可能睇得唔係太清楚, 冇計, 本人太"光管"喇! )

Bubble仔, 你再抓媽咪就唔俾你食零食!!!

檸香蛋白蛋糕

** 好緊張呀~ 唔知成唔成功呢?

** 得咗喇! YEAH~  (由於太心急俾Dad & Mom試食, 所以冇咗一角)

**咁睇似唔似食鬼?

雞亦挑戰 -- 第二回

lee碟就係我第前兩日第二次焗嘅靚靚雞亦, 有鹽焗同芥子籽兩種口味, 係咪好靚呢?

今次一共喪整咗40幾隻雞亦, 到琴晚先食得晒咋~

終於買咗焗爐喇~

終於都買咗焗爐喇, 以下就係我第一次嘅制成品喇~

  *芥末籽焗雞亦*
 *芝士焗薯角*
*吞拿魚芝士焗蘑菇*