下星期日又係一年一度嘅仁愛盃喇~

下星期日又係一年一度嘅仁愛盃喇~  今次我0地有兩個小朋友出賽, 唔知佢0地會唔會攞到獎呢? 不過有冇獎都唔緊要, 最緊要係盡力去做呀嘛!

阿Grey, 記得我約咗你下星期日食飯喎, 我睇完D小朋友比賽就會嚟搵你0架喇~

~ Happy Day ~

今日番到公司, 仍然係啞咗咁, 唔係太出到聲...... 不過到咗下晝就好咗好多喇, 仲開咗我個貼滿Disney貼紙嘅咖啡杯嚟用tim~ 不過俾某某同事話我無聊lor......

, 係話緊你喇, 唔駛兩頭望喇!!!

 

老豆去完泰國番嚟, 幫我買咗對Converse, 幾靚0架, 不過買大咗好多lor, 仲要係男裝7號喎, 老豆, 對鞋成隻龍船咁, 你叫我點著呀? 你都未必著到啦...... Anyway, 唔該晒呀! 起碼你喪玩之餘仲記得我lee個女, 哈哈! ^o^

 

約咗大佬聽晚食飯, 好耐冇見佢喇, 雖然同一間公司, 但係約佢食飯仲難過叫老板出雙糧, 無他嘅, 人哋受女仔歡迎呀嘛, 幾時排得到我喎, 聽日lee餐飯我足足排隊排咗成年半喇!!!!!!

 

後日要去第二個SITE做嘢, 唉! 又要扮乖喇, 你知啦, 我喪0架嘛, 要我乖即係叫我坐監, 又冇野做喎, 死喇~~~~~

 

今日放工之後又係例牌自己一個食飯, 今日食切雞胸飯, 唔好話我蠢住, 我夠知食雞胸冇味又蝕啦, 不過為咗想出年考三段, 係咁易減少少跳得高D呀嘛...... 哈哈! 跟住仲租咗幾隻碟, 有: 千杯不醉啦, Harry Portter III啦, 同埋Wedding Date, 睇完話俾你知好唔好睇啦~

唔該可唔可以幫我執番D野呀?

前幾日開始咳, 初初都係淨係0訓覺咳, 都仲番到工, 但係琴晚開始就成晚喪咳, 又傷風, 一直咳到依家, 搞到今日番唔到工, 好慘呀~

依家食咗藥先叫做好番D, 不過就好眼0訓...... 唔得, 今日一定要好番, 因為聽日一定要番工, 我唔可以再請假0架喇......

呀係喎, 我跌咗個肺呀, 唔該可唔可以幫我執番呀?

好free嘅Saturday Morning

今日係十年難得一見嘅自由Saturday Morning, 除咗公司Day Off之外亦都唔駛教拳, 不過都要一早8點幾起身, 落中心做小小嘢之後同Daddy食早餐...... 計落都有好耐冇同屋企人一齊同枱食飯lu, 大家都各有各忙, 聚埋一齊嘅機會越來越少lu......

 

食完早餐之後喺商場行咗一陣, 買咗D糖糖俾一陣跆拳道班D小朋友食, MISS係魔鬼, 哈哈~

 

轉頭就要去教拳LU, 等我都練番下先, 再唔郁下就會硬晒呔0架喇......

聖誕咭設計比賽

今日公司有聖誕咭設計比賽, 參加者全部都係D外籍嘅小朋友, 喺我哋嘅記憶裡面, Santa應該係一個好肥有鬚嘅老公公, 但係今日我見到D小朋友畫嘅Santa就......

Case A)  有一個畫到好似支竿咁, 一睇就知完全係瘦身成功啦~

Case B)  有一個就冇鬚嘅, 我問個小朋友點解個Santa冇鬚, 佢就答我佢仲細個, 未有鬚喎~

Case c)  有一個就連Santa都唔見埋, 我問佢點解, 佢話今年唔知邊個實Q叔叔扮Santa, 所以唔畫住喎~

睇完成兩個鐘嘅聖誕咭設計比賽, 總括0黎講得兩個字 -- 可愛!

喂~ 小朋友! 你0地打拳定打人呀?!

琴日10:00係天瑞教完班小朋友跆拳道, 番屯門趕下場搭車途中見到自己隻手有一大片瘀痕, 即刻回想番點整到啦! 諗0左一陣, 終於醒起上堂 take break 時有幾個小朋友係咁不停叫我, 突然間有幾個小小身影飛撲上我個身, 搞到好似有幾隻monkey掛住0係我個身度咁! ^_^"

雖然話小朋友唔會重磅得去邊, 但係三個加埋就唔同講法喇...... 最終當然係我要投降啦!!!!!

好彩lee班小魔怪都算聽我話, 如果唔係我一定命仔難保喇~~~

而家0係香港虐兒會俾人告, 虐待動物又會俾人告, 咁唔知虐待miss告唔告得入呢???

 

 

迷失在自己的思緒中~

LEE兩個月發生0左好多事, 經歷多好多嘢, 有D一早預料到, 而有D則未想過會發生0係自己身上......

而家個腦好亂, 唔識得諗0野, 點算好?