首先要祝各位兔友同兔兔Happy New Year! 
大家都要快高長大, 健健康康喔~ 
言歸正傳, 今日兔爸幫Bubble洗籠時, 我負責抱住Bubble, 我發現依家已經開始要用武力鎮壓lee個小朋友喇, 佢實在太大力喇!!! 佢個臭豬送俾我嘅新年禮物就係2條爪痕, 係由左後腳(左脾)造成的! 事源當我抱住佢時佢極力掙扎, 我咪好似平時咁舉高佢lor, 一向舉高佢佢就會驚驚唔敢郁, 點知依家已經唔怕, 仲好大力咁用後腳"young"想掙脫我隻手, 最後俾佢得逞兼造成我左手上嘅2條爪痕, 佢自己仲"砰"一聲由高處向下跌, 仲要肚腩著地, 都唔知有冇跌親tim0架, 真係嚇死我! 不過之後好快又見到佢周圍跳周圍玩, 應該冇事掛...... 
寶貝女, 唔該你乖啦, 唔乖乖冇零食食0架, 知冇? 
P.S. Bubble已經開始唔俾抱, 識得賴尿抗議, 唔肯行斜路(我對腳), 仲好有性格唔係成日應人tim呀! 
DoDo都係咁嫁, 越大越唔聽話, 小琪你記得唔好步我後塵吖
回覆刪除大小姐仲勁呀, 就係o係我細佬隻脾脾畫半圓, 我呀.... 真係滴晒汗 o架, 因為怕細佬嬲嬲地會打打大小姐嘛... 不過 Bubble 依段時期都會開始反叛, 亦因為佢開始熟地頭, 所以一定要俾佢知道邊 D 野做得, 邊 D 野唔做得, 否則... 我諗你下次唔止係嗌痛咁簡單囉, 電線呀, 紙箱呀, 木櫈腳呀, 窿窿隙隙呀都無一幸免, 小心小心呀
回覆刪除我哋做兔爸兔媽嘅真係命苦......
回覆刪除雖然有時候會覺得好累, 但暫時都 OK 嘅, 因為我真係有認真咁諗清楚至帶 Bee 豬番屋企. 當然, 起初真係 "拿手唔成勢" 啦, 因為話晒都係第一次養小動物, 不過若果可以重頭揀過, 我仍然會帶大小姐番黎. 其實大小姐係我的兔醫生, 尤其在我唔開心的時候, 寂寞的時候, 她總會不離不棄在我身邊, 所以... 應該是我多謝她不嫌棄我這個笨媽媽至真.
回覆刪除咁又係, 兔兔真係好抵錫0架!
回覆刪除