Bubble嬲咗媽咪呀 / _ \

上星期日見得閒, 試吓同兔爸夾手夾腳自己同Bubble仔梳毛毛, 平時只係梳到背脊, 肚腩仔多數都係留番帶佢去兔協剪甲甲時等姐姐幫佢梳下, 因為小王子都幾惡死, 絕對唔係兔咁品0架!!!

我同兔爸前後左右夾攻, 只係用咗15分鐘就將Bubble仔反轉再反轉, 梳得靚仔到不得了! 個衰仔一梳完就好似放監咁飛奔番入個籠度, 用佢個又圓又大嘅八月十五對住我哋! 俾零食... 唔要! 菜菜呢... 唔要! 玩具呢... 唔要! 咁蘋果乾呢... 竟然都唔要!!! 最後我哋投晒降, 將"貢品"放喺小王子個糧兜入面, 關門走人也......

點知我哋一行轉背, 小王子即刻開懷大嚼, 食得唔知幾開心?!  仲跳來跳去tim! 仔呀仔, 保你大喇, 你唔好玩媽咪得唔得呀?