今日因工作同事頭婆嘈咗兩句, 頭先番到屋企好同事通水話事頭婆同佢講聽日要同我"單獨"開會。 唔開心, 因為佢話我做野態度有問題?! 我唔否認可能我未夠經驗, 所做嘅行動可能唔係咁0岩佢心意, 但係我唔可以接受佢話我工作態度有問題!!!
我有問題? 邊夠你偏幫d番工唔做野, 11點幾就出去話上客公司, 但係又唔知死咗去邊嘅庸員咁有問題??? 你老公都話要炒佢, 你就去保佢保到同老公嘈到拆天, 唔駛掛? 咁對其他有做嘢嘅staff公平咩? 好喇, 我知世界上冇公平, 但係都要我服架嘛!
好喇, 聽日睇下你講咩, 如果你只係用詞不當(工作態度有問題), 我可以算數, but如果你真係咁覺得, 咁唔該你另請高明, 我唔識幫你做野嘞!! 
係咁架啦, 在公司, 老闆永遠都最大, 佢話乜就乜. 子華在劇集都講過: 老闆俾人工你, 一半係受佢氣, 一半係做佢唔識做嘅野.
回覆刪除[版主回覆11/10/2007 00:18:00]Dennis, 唔係啦, 我全份人工係for受佢氣, 幫佢做晒佢唔識做嘅嘢係我俾佢嘅雙糧+花紅(我老板唔識英文同打字)!!!