今日去咗上裁判重溫班, 喺toilet換完衫出嚟一開門就見到小師妹, 佢入我出, 佢一入到changing room就嘭埋度門, 唉! 真係唔明點解D小朋友咁小器, 話說我同佢現任男朋友以前拍過拖, 小師妹自從一同佢一齊後就當我係仇人咁, 見鑊啤鑊, 好煩 LOR~
咁大個人就成熟D啦, 師姐我就嚟結婚喇, 你乖乖哋唔好再搞咁多嘢啦好冇? 
P.S. 今日因公事同LEE個前男友討論出賽日期, 佢叫我選擇某日, 我話唔得, 我要影婚紗相, 冇得改期, 佢聽到O咗嘴望住我半分鐘唔識俾反應我, 我就行開咗去笑! 
上完裁判重溫後去咗婚紗鋪叫佢喺單上面加番琴日講過其中一項拖尾婚紗不用加收費用的TERM, 都肯加, 暫時唔似網上講黑店咁差, 希望一切順利啦~ 
你咁快BOOK左化妝, 係邊個呀? 有無相呀?
回覆刪除[版主回覆07/14/2008 23:54:00]喺金都租婚紗間鋪lor, 佢哋有埋幫人做新娘化妝, 咪一次過lor~ 未試妝呀, 仲有大把時間啦, 只係因為有package所以先咁早訂晒咋~ 遲d有相post上嚟俾大家睇吖~
呢d 0靚妹唔使理佢啦~~~ 做得出d咩呀.......咪剩係識用對眼 bear 下人, 發下脾四咁law~~~~ 哂氣~~~
回覆刪除[版主回覆07/14/2008 23:56:00]我真係冇佢咁好氣lor, 佢星期日出到去, 同其他男仔傾計傾到挨晒個身落人哋度, 好心佢啦~