做咗LEE份工大半年, 琴日終於要上大陸。 朝早8點喺大學火車站同另外2個同事跟老板娘上東莞廠, 十點幾終於去到, 一入到OFFICE就好似動物園D動物咁俾D同事"參觀"一番~ 
跟住就跟番下D單先啦, 然後去工場睇production, 雖然有冷氣, 不過都係好熱! 睇到佢哋做野, 終於明白點解一張單要咁耐先做得起。
LUNCH時老板帶我哋出去食飯, 15個人食咗RMB670蚊, 班大陸同事開心死, 我哋就太攰唔係太食得落。
下晝番到廠繼續睇另一部份production, 一直到夜晚7點, 老板娘先帶我哋去食dinner...... 我哋3個由朝早到晚上7點, 除咗坐車同去厠所之外全程"罰企", 一有得坐低就feel到對腳攰到好似唔係我嘅咁~ 食完飯9點公司同事車我哋番羅湖, 番到屋企11點幾, 終於有得休息喇~
不過今朝8點又起咗身, 因要去拜山。 先去沙田2站, 再去鑽石山2站, 跟住去飲茶, 飲到4點幾就同兔爹入咗馬鞍山睇"一個好爸爸", 都幾好睇, 之後就番咗屋企休息同寫BLOG, 聽日又要番工LU~ 
沒有留言:
張貼留言