頭先睇完幾位兔友的blog, 好開心可以睇到其他兔兔同兔爸媽的生活情況, 好開心呀~
其中兔婆(正牌那位)的blog令我感受很深! 佢講到有位叫Picnic的同事俾人話佢講電話同冇禮貌, 但我自己都上過兔協, 覺得每個staff都係盡心盡力去對d兔兔好, 只要真係愛兔之人, 根本唔應該介意在兔協內的staff點樣對入嚟嘅人, 而應該睇清楚佢哋點對d兔兔至0岩! 
兔協嘅成立主要係俾多d資源同service d兔兔, 而唔係俾人去window shopping, d兔兔唔係貨物, 上次我想領養都只係睇相簿, 最多都係喺房外面遠距離望下, 因為我哋喺街上到去, 有幾多菌呀! d兔兔好易受感染架嘛, 好心d人用下腦啦, 你都唔會一番屋企就即刻去抱自己嘅小朋友, 都會識先洗手啦~ 
仲有, 唔理人哋係咪義工都好, 一眼睇晒有幾多人啦, 所有嘢都係佢做喎, 話人講電話, 人哋忙你唔知0者~ 話d兔籠多屎屎, 搞錯呀, d兔兔"直落架嘛, lee頭執完一分鐘後又有嘞, 唔通全日企喺房入面執咩? 就算你入門口見到個staff超cool, (三唔識七, 唔通同你黎個big hug先呀?) 不過一講到兔兔, 人哋一定即刻熱情晒lor~ 
我今個星期日就會去兔協做義工喇, 好期待呀~ 
P.S. 唔知點解我在兔婆個blog留唔到言(回應下面冇咗個留言框框), 有冇人知點解呀? 
可能佢篇Blog選擇不設留言囉…
回覆刪除唔係掛, 其他人都留到喎~
回覆刪除Bee Bee : 小琪姐姐, 媽媽話唔使同依 D 咁膚淺嘅人勞氣喎, 是雞蛋裡挑骨頭, 還是為兔朋兔友好, 一聽佢講嘢就知龍與鳳,. 我哋做兔兔嘅, 雖然外表好似蠢蠢地, 但係邊個鍚我哋, 邊個對我哋好, 我哋都知道, 咪當我哋真係傻至得 o架
回覆刪除Bubble: 係呀, 我哋好叻叻0架, 我知道媽咪惡d, 如果我咬佢就冇得出嚟玩, 所以我淨係咬daddy, 因為媽咪唔會俾daddy唔放我出嚟玩嘛~
回覆刪除KSVON: 你係咪唔駛番工0架? 點解LEE D鐘數睇到BLOG嘅? 我依家喺屋企, 不過好慘, 琴日番工暈到要即走去睇中醫做針炙止暈, 今日仲要休息唔準番工TIM呀~
回覆刪除Bee Bee : 小琪姐姐, 你無事吖嘛, 我好擔心你呀, 休息多 d 抖多 d呀你要. 媽媽梗係要番工喇, 如果唔係邊有錢買糧買菜又買草俾我食呀, 佢呀, 仲要努力加油, 咪鬼餓親我添呀, 如果唔係, 嬲死佢呀我.
回覆刪除Bubble: 媽咪你快d好番呀, 我仲有兩個月就食得菜菜喇, 你要賺多d錢錢買靚菜菜俾我食呀~
回覆刪除