馬騮仔

今日出發去兔協前, 先搭車去隔離邨兔爸屋企接埋兔爸同Bubble, 行去搭小巴途中, 突然見到有兩個黑影閃過, 睇清楚原來係近期好出名嘅馬騮仔!

佢哋之所以出名係因為佢哋連日由山邊走到屋邨內搶食, 目標係單身嘅手持超級市場或街市膠袋人士, 由於佢哋每次都聯群結黨咁行動, 令人為之聞風色變, 行到邨口就即刻急急腳番屋企也~

下次都係帶個大袋出街, 如果有咩街市袋or超級市場袋就放晒入去, 咪唔驚馬騮仔會搶lor~ 但係話時話, 佢哋搶生果蔬菜就食到0者, 咁罐頭食品佢哋會點食呀???